सञ्चारमाध्यमका सञ्चालक र सम्पादकसँग महासंघको अन्तरक्रिया

नेपाल पत्रकार महासंघ, ओखलढुंगाले जिल्लामा सञ्चालित सञ्चारमाध्यमका सञ्चालक र सम्पादकसँग अन्तरक्रिया गरेको छ । सञ्चारमाध्यमको अवस्था, चुनौती र संभावनाका विषयमा महासंघले अन्तरक्रिया गरेको हो ।

महासंघको सभाहलमा अध्यक्ष पूर्णप्रसाद न्यौपानेको अध्यक्षता तथा प्रदेश सदस्य लाक्पा जी शेर्पाको विशेष उपस्थितीमा भएको कार्यक्रममा महासंघका पदाधिकारी, सदस्य, सञ्चारमाध्यमका सञ्चालक, सम्पादक र जिल्लामा क्रियाशिल पत्रकारहरुको उपस्थिती थियो ।

जिल्लामा ७ बुँदे निष्कर्षसहित अन्तक्र्रिया सम्पन्न भएको छ ।

अन्तरक्रियाका निष्कर्षहरु निम्नानुसार छन् :

१) जिल्लामा रहेका क्रियाशिल पत्रकारहरुलाई एकताबद्ध गराई महासंघको नीति, सिद्धान्त र कार्यक्रममा सहभागिता र महासंघका अभियानहरुमा सामुहिक जोड दिने ।

२) जिल्लाका सरकारी, गैरसरकारी तथा विभिन्न निकायबाट वितरण हुने विज्ञापनलाई सञ्चारमाध्यमहरुको वरियता निर्धारण गरी समावेशी रुपमा वितरण गर्न जोड दिने ।

३) संवेदनशिल विषयमा संप्रेशन हुने समाचार लेखन, प्रकाशन तथा प्रसारणमा एक रुपता दिई सामुहिक धारणसहित अघि बढ्ने ।

४) सूचना तथा समाचारहरुमा साझेदारी गर्ने ।

५) पत्रकारहरुको क्षमता विकास तथा सञ्चारमाध्यमहरुको दीगो व्यवस्थापनका लागि स्थानीय तह लगायत विभिन्न तहगत सरकारी निकायसँगको समन्वयमा कार्यक्रम निर्माण गरी अघि बढ्ने ।

६) जिल्लामा सञ्चारमाध्यमहरुमा कार्यरत सञ्चारकर्मीहरुको पेशागत सुरक्षा, न्यूनतम पारिश्रमिक कार्यान्वयन र परिचय पत्र अनिवार्य गर्ने लगायत विषयमा सम्बन्धित सञ्चारमाध्यमलाई ध्यानाकर्षण गराउने ।

७) पत्रकारिता पेशालाई अझ दीगो, सम्मानित र व्यवस्थित बनाउन सबै पत्रकारहरुले पेशालाई मर्यादित ढंगले अघि बढाउँदै महासंघबाट विभिन्न तालिम, लेखनबृत्ति तथा पुरस्कारको व्यवस्था गरी प्रोत्साहन गर्ने ।